Heblaw am Ysgol Ramadeg John Beddoes (a sefydlwyd yn 1565), roedd yna ysgol elusennol yn Llanandras o dan ofal Thomas Legge, o Willey oedd gerllaw ar ddiwedd y ddeunawfed ganrif ac ysgolion preifat eraill ar ddechrau’r bedwaredd ganrif ar bymtheg.
Roedd y mwyafrif o blant ar ddechrau teyrnasiad Fictoria yn dod o deuluoedd tlawd a heb dderbyn unrhyw addysg o gwbl.

Erbyn diwedd oes Fictoria, roedd ysgolion rhad ac am ddim yn cael eu cynnig ar draws yr ardal; ac roedd yn rhaid i bob plentyn fynd i’r ysgol yn rhywle. Mae cofnodion ar gyfer yr ysgolion newydd hyn wedi goroesi ac yn rhoi darlun difyr o fywyd ysgol mewn ardal wledig yn ystod oes Fictoria.

Ewch i ddewislen Llanandras
.