Trwy gydol teyrnasiad y Frenhines Fictoria roedd trafnidiaeth yng nghefn gwlad yn ddibynnol ar y ceffyl. Gallai’r bobl gyfoethog deithio yn eu cerbydau eu hunain, tra gallai eraill dalu am deithio yn y goets fawr. Ni allai ond ychydig o’r bobl gyffredin fforddio hynny, felly roedd yn rhaid iddynt gerdded i bobman oedd o fewn eu cyrraedd. Roedd y dramffordd o Aberhonddu yn cysylltu ag ardaloedd gwledig Sir Henffordd, a daeth â glo rhatach i ardaloedd y ffin, a dangosodd i bobl beth allai technoleg ei gynnig.

Erbyn canol teyrnasiad Fictoria, daeth y rheilffordd i’r ardal gan gysylltu’r Gelli a’r ardaloedd o gwmpas â’r byd y tu allan. O dipyn i beth daeth teithio y tu allan i’r ardal yn rhan o fywyd llawer o’r bobl gyffredin.

Dewiswch o’r testunau isod.