Ar ddechrau teyrnasiad y Frenhines
Fictoria, roedd cludiant yn yr ardal hon, a rhannau eraill o Bowys yn
dibynnu’n llwyr ar y ceffyl. Byddai
pobl gyfoethog yn gallu teithio yn eu cerbydau eu hunain, ac roedd llawer
o bobl eraill yn gallu fforddio’r pris i deithio ar y coetsis mawrion.
Ond ychydig iawn o bobl gyffredin oedd yn gallu fforddio teithio fel hyn, felly roedd y rhan fwyaf ond yn gallu teithio mor bell ag y byddai eu coesau yn eu cario.
Erbyn diwedd cyfnod Fictoria, roedd y rheilffyrdd stêm wedi cysylltu’r ardal gyda llefydd pellach i ffwrdd. Ac erbyn hynny roedd mwy o bobl leol yn dechrau profi’r rhyddid a’r arian oedd yn eu galluogi i deithio.
