Un o’r ychydig ddiwrnodau hynny yr oedd y bobl anlwcus hynny oedd yn gorfod byw yn nhloty Llanfyllin yn cael pryd da o fwyd oedd ar Ddydd Nadolig.
Fel arfer gwael iawn a di-flas oedd y bwyd yn nhlotai oes Fictoria oherwydd ychydig iawn o arian yr oeddynt yn ei wario arno, a hyn oherwydd mai’r syniad oedd i wneud i’r lle fod mor annymunol â phosibl. Nid yn unig fod y bwyd yn ofnadwy, roedd hefyd yn cael ei ddogni’n llym, ac felly roedd y bobl yn llwgu. Mae’r darn yma o gofnodion Undeb Llanfyllin yn dod o Nadolig 1874...

17 Rhagfyr - "Resolved that the Inmates of the Workhouse be allowed the usual treat of Roast Beef and Plum pudding on Christmas Day".
Mae’r ffotograff a welwch chi yma yn dod o ddyddiad llawer diweddarach, yn fwy na thebyg tua 1904 neu ychydig wedi diwedd cyfnod Fictoria. Mae’n dangos te parti yn iard tloty Llanfyllin.

Erbyn y dyddiad yma roedd amodau yn y tloty yn llawer iawn gwell nag ar ddechrau teyrnasiad y Frenhines Fictoria, er na fyddai unrhyw un yn dewis byw yn y llefydd yma pe baent yn cael y dewis !

Yn ôl i ddewislen tloty Llanfyllin.
.