Mae Cyfeirlyfr Slater o 1858 yn rhestru llawer o’r crefftwyr lleol oedd yn gweithio yn yr ardal yr adeg honno. Mae rhai o’r crefftau yma (megis cigyddion a gofaint) i’w cael heddiw, ond mae llawer wedi diflannu.

Mae llawer iawn o’r pethau rydym yn prynu yn y siopau lleol heddiw wedi’u cynhyrchu mewn ffatrïoedd mewn gwlad arall. Ar ddechrau cyfnod Fictoria roedd cludo nwyddau yn llawer arafach ac yn fwy anodd. Oherwydd hynny, roedd llawer iawn mwy o’r hyn yr oedd pobl ei angen yn cael ei gynhyrchu’n lleol gan grefftwyr medrus fel y crydd (uchod).

Roedd y seiri pres a thunwyr yn grefftwyr oedd yn gwneud gwrthrychau trwy ddefnyddio pres a thin. Yn y dyddiau cyn plastig roedd llawer o flychau i gadw pethau wedi’u gwneud o’r rhain.

Roedd trinwyr lledr yn ymwneud â pharatoi crwyn ac yn cynhyrchu lledr ohonynt. Roedd angen y deunydd yma ar y cyfrwywyr a gwneuthurwyr esgidiau lleol iddynt hwy wneud eu cynnyrch.

Yn ôl i ddewislen ennill bywoliaeth