Un o’r pethau gwaethaf (a doedd yna fawr ddim o bethau da !) ynglyn â thlotai oes Fictoria oedd fod teuluoedd yn cael eu gwahanu’n llwyr, gyda dynion, merched a phlant yn cael eu cadw mewn gwahanol rannau o’r adeilad. Roeddynt wedi’u hadeiladu mewn ffordd i wneud hyn yn haws i’w rheoli, a hefyd i ddarparu iardiau wedi’u cau ar gyfer y gwahanol grwpiau.
Mae’r rhan yma o’r map yn dangos siâp tloty Llanfyllin, oedd yn llai na rhai tebyg o’r un cyfnod.

Er bod y rhan fwyaf o dlotai’n edrych yn frawychus iawn, a dyna’i bwriad, roedd gwaith mwy urddasol ar un ochr i rai ohonynt. Mae’r gwaith cerrig o amgylch y ffenestri yn Llanfyllin yn help i wella golwg yr adeilad, ond yn fwy na thebyg ychydig iawn o help a roddodd i’r bobl anffodus y tu mewn !

Yn ôl i ddewislen tloty Llanfyllin.
.