Ymysg y bobl dlawd a symudwyd ymlaen gan Cwnstabl Jones oedd grwp o Wyddelod. Mewn ardaloedd gwledig fel Sir Drefaldwyn mae’n rhaid mai rhywbeth anghyffredin iawn oedd gweld teuluoedd cyfan o Wyddelod yn byw yng nghefn gwlad. Roedd y Gwyddelod yn gweithio drwy adeiladu camlesi a rheilffyrdd, ond roedd y bobl dlawd hyn yn hollol anobeithiol.
Roedd yn amser o newyn ofnadwy yn Iwerddon ac mewn cyfnod o anobaith llwyr, roedd pobl weithiau yn gwerthu pob peth oedd ganddynt er mwyn teithio allan o Iwerddon ac osgoi llwgu i farwolaeth.

Daeth PC Jones ar draws grwpiau o Wyddelod pan oedd yn gweithio ym Machynlleth. Yn debyg iawn i’r rhan fwyaf o bobl mewn ardaloedd gwledig roedd yn ddrwgdybus o bobl ddieithr, yn enwedig pobl o dramor nad oedd yn gallu cynnal eu hunain.