Roedd y bwyd a’r amodau byw yn nhlotai Undeb Deddf y Tlodion yn ofnadwy am flynyddoedd lawer. Yn y rhan fwyaf o achosion dim ond ar Ddydd Nadolig y cafwyd rhywbeth ychwanegol, pan oedd trigolion y tloty yn cael pryd o fwyd ychydig bach yn well.
Dyma enghraifft arall o’r Llyfr Cofnod swyddogol sy’n cofnodi cyfarfodydd a gynhaliwyd yn nhloty Tref-y-clawdd yn 1902. Erbyn y dyddiad yma roedd pethau wedi gwella i’r bobl anffodus oedd yn byw yno, ac roedd anrhegion yn cael eu rhoi’n amlach. Mae’r darn yma’n cyfeirio at driniaeth arbennig i nodi coroni’r Brenin Edward VII, (dde) yn dilyn marwolaeth y Frenhines Fictoria...

Roedd Mr Bache yn un o aelodau’r Bwrdd Gwarcheidwaid oedd yn gwneud penderfyniadau ynglyn â phobl oedd yn cael eu cynnal gan Dreth y Tlawd tu fewn a thu allan i’r tloty. Fe wnaethant gytuno ar roi arian ychwanegol i’r tlodion i gyd ac "ychwanegiad i’r diet" ar gyfer pobl oedd yn byw yn y tloty. Byddai hyn yn golygu pethau ychwanegol megis cacennau a gwell prydau bwyd.
Mae "In the discretion of the workhouse master" yn golygu y byddent yn gofyn iddo ddewis y mathau o bethau ychwanegol yr oedd trigolion y tloty yn eu cael.

Yn ôl i ddewislen tloty Tref-y-clawdd
.