Mae’n amlwg fod Pryce Jones yn dda iawn am fynnu cyhoeddusrwydd i’w fusnes dilladu archebu-trwy’r-post a dyfai’n gyflym dros ben. Yn 1862 derbyniodd archeb gan Florence Nightingale, ac ar unwaith, defnyddiodd ei henw ar ei ddeunydd hysbysebu!
Yn yr 1870au manteisiodd ar y llinellau rheilffyrdd newydd oedd wedi cyrraedd Y Drenewydd, a dechreuodd fynd â samplau o Wlanen Gymreig enwog Y Drenewydd i arddangosfeydd yn Ewrop a’r America, a hyd yn oed i Awstralia’n ddiweddarach.

Cymrodd Pryce Jones bob mantais bosibl o’r archebion niferus a derbyniodd ei fusnes gan y teulu brenhinol a’r uchelwyr. Dangosir pennawd y daflen werthu gafodd ei hanfon allan ganddo yn 1878 uchod, gyda’r Frenhines Fictoria a Thywysoges Cymru ar ben y rhestr!
Erbyn hyn roedd yn anfon archebion i bron bob ty brenhinol yn Ewrop, a rhestrai lawer ohonynt yn ei hysbysebion. Mae mwy am lwyddiannau’r arbennig Pryce Jones o’r Drenewydd ar y dudalen nesaf…

Cyflenwr byd-eang..