Trosglwyddodd Pryce Jones ei fusnes archebu-trwy’r-post i’r Royal Welsh Warehouse yn Hydref 1879, a chyn pen blwyddyn roedd ganddo oddeutu 100,000 o gwsmeriaid.
Daliodd ei fusnes i dyfu’n gyflym a chyn bo hir roedd wedi mwy na dyblu’r nifer o gwsmeriaid mewn llawer rhan o’r byd, diolch i’r cysylltiadau rheilffordd newydd. Tynnodd lawer o sylw at ei wasanaeth cludo yn ei ddeunydd cyhoeddusrwydd. Dyma enghraifft...

Parhaodd y cwmni i wneud yn dda tan gyfnod Y Rhyfel Mawr 1914-18, ond dioddefodd oherwydd y dirwasgiad ym masnach y byd yn y 1920au a’r 1930au. Cymerwyd y busnes gan gwmni o Lerpwl yn 1938. Bu farw Pryce Jones yn 1920 yn 85 oed.
Yn ystod ei fywyd gwnaeth gyfraniad enfawr i’r Drenewydd trwy roi ail fywyd i’r diwydiant gwlân lleol ac arloesi mewn dulliau masnachu newydd, dulliau sy’n cael eu cymryd yn ganiataol erbyn heddiw. Creodd nifer fawr o swyddi a threfnodd ddigwyddiadau cerddorol a chwaraeon i’w weithwyr. Helpodd y gymuned mewn llawer o ffyrdd, gan gynnwys ei wasanaeth fel Aelod Seneddol.