Mae’r map yn dangos i ni fod cysylltiadau cludiant wedi bod yn bwysig i Gaersws ar hyd y blynyddoedd. Sefydlwyd y pentref gyntaf yn ystod yr oes Rufeinig a hynny mewn man lle’r oedd dwy ffordd yn cwrdd a hefyd mewn man oedd yn croesi’r afon. (Gallwch weld amlinelliad o’r anheddiad Rhufeinig ychydig i’r dde o’r rheilffordd sydd ar y map)
Y ddwy ffordd oedd – y ffordd lawr dyffryn Hafren, ac yna’r llwybr trwy’r mynyddoedd tua’r Gogledd Orllewin trwy Garno ac ymlaen i’r arfordir. Ar ddechrau teyrnasiad y Frenhines Fictoria roedd yna ffyrdd tyrpeg ar hyd y ddwy ffordd yma. (Edrychwch ar dudalennau cludiant Llanidloes am fwy o fanylion). O ganol ei theyrnasiad roedd llinellau rheilffyrdd wedi’u hadeiladu ar eu hyd.