Fe wnaeth pobl oes Fictoria ddyfeisio llawer o bethau newydd, ond ni aethant mor bell â dyfeisio’r sinema na’r deledu. Yn ystod yr 1880’au roedd pobl yn ceisio dangos lluniau oedd yn symud, ond roedd hyd yn oed lluniau llonydd oedd yn cael eu taflu ar wal neu ar sgrîn yn anghyffredin ac yn gyffrous i’r rhan fwyaf o bobl.

Roedd y ‘Magic Lantern' yn fath cynnar o daflunydd sleidiau a ddefnyddiwyd i ddangos ffotograffau du a gwyn a brintiwyd ar blatiau gwydr sgwâr. Dyma’r agosaf bryd hynny i fynd i’r sinema !

Fe fyddai sioeau lluniau y ‘magic lantern’ tebyg i’r un a welwch chi yma yn ddigwyddiad arbennig i blant ysgol. Mae’r darn yma o ddyddiadur Ysgol Genedlaethol Llanidloes yn 1894 yn darllen:
"Magic Lantern Entertainment given to children on Friday evening - 'British Empire'. Scripture prizes were distributed by Vicar".

Roedd y sioe yma yn dangos lluniau’r ‘Ymerodraeth Brydeinig' yn ystod y cyfnod, gan hefyd ddangos lluniau o fywyd yn India, De’r Affrig a thiroedd eraill oedd yn cael eu teyrnasu gan y Frenhines Fictoria.
.

Ewch i ddewislen ysgolion Llanidloes