Tynnwyd y llun sydd ar y dudalen yma tua 1905, sef ychydig ar ôl oes Fictoria. Ond gan ei fod yn llun mor dda penderfynasom ei gynnwys beth bynnag!
Mae’n dangos John Whitaker, sef "Crïwr Tref" swyddogol Llanidloes yn y cyfnod hynny. Ei waith oedd i ganu ei gloch i ddenu pobl y dref i ddod i wrando ar ei gyhoeddiadau diweddaraf.

Cafodd y gwaith fel Crïwr y Dref yn 1897, ac roedd yn un o gefnogwyr y Siartwyr, felly mae’n rhaid ei fod yn eitha hen yn 1905 ! Wrth iddo heneiddio, rhoddwyd cloch lai ac ysgafnach iddo gan nad oedd mor gryf ag y bu ac roedd ei lais hefyd yn gwanhau. Nid oedd Crïwr y Dref yn cael gwisg gan y dref – dim ond cloch ac ychydig iawn o arian!
Mae yna "grïwyr" swyddogol mewn llawer o drefi heddiw, (dyma lun o un yn Y Gelli) ond dim ond ar gyfer digwyddiadau arbennig ac ar gyfer ymwelwyr mae hwn. Mae gan y rhan fwyaf ohonynt wisgoedd crand iawn gyda chotiau coch llachar, hetiau tri chornel a chrysau llawn ffrils !

Yn ôl i ddewislen ffotograffau Llanidloes
.