Mae’r map a welwch chi yma yn seiliedig ar fap y degwm yn 1840 ac mae’n rhoi syniad da i ni o sut le oedd pentref Llanfechain ar ddechrau cyfnod Fictoria.
O’r map gallwn weld fod y gymuned wedi datblygu ar fan cyfleus ar gyfer croesi Afon Cain ar hyd llwybr ar hyd y dyffryn i Loegr.

Mae canlyniadau cyfrifiad 1841 yn dweud wrthym pwy oedd yn byw ac yn gweithio yma bryd hynny.
Roedd yna 2 ofaint, 3 saer maen, 1 cwper, 1 saer ac un gwneuthurwr olwynion. Hefyd roedd yna ddau grydd a theilwr oedd yn darparu ar gyfer anghenion y bobl leol.
Roedd gan y pentref hefyd argraffwr a chlerc y plwyf, a chludwyr ar gyfer mynd â nwyddau i’r trefi mwy.
Roedd yna ysgol yn y pentref ac enw’r ysgol feistr oedd Morris Davies, er nad oedd llawer o deuluoedd yn gallu fforddio anfon eu plant i’r ysgol.

Cymharwch gyda Llanfechain yn 1902...

Yn ôl i ddewislen map Llanfyllin