Mae’r categori groser, brethynnwr a rhai oedd yn delio gyda mân bethau yn cynnwys y rhan fwyaf o berchnogion siopau yn y dref. Roedd y brethynnwr yn ddyn neu ddynes oedd yn gwerthu defnydd. Roedd yn bwysig bryd hynny gan fod llawer iawn o bobl yn gwneud ac yn trwsio dillad eu hunain. Sylwch hefyd, sut yr oedd nifer o berchnogion siopau yn gwerthu mwy nag un math o gynnyrch. Roedd Cadwallader Humphreys yn groser, haearnwerthwr a fferyllydd!
Roedd tafarndai yn arbennig o bwysig ar amser pan oedd y rhan fwyaf o bobl yn teithio ar geffyl a choets. Roedd llawer o deithiau yn cymryd yn hirach na diwrnod ac roedd yn rhaid i’r teithwyr gael rhywle i aros dros nos.