Ar ddechrau’r cyfnod, cwnstabliaid plwyf oedd yn plismona’r ardal yn bennaf. Nid oedd un o’r dynion hyn yn cael eu talu nac yn cael unrhyw hyfforddiant. Roedd yn rhaid iddynt wneud eu dyletswyddau yn ogystal â gwaith eu hunain, felly fel y dychmygwch nid oedd llawer o bobl eisiau bod yn gwnstabl. Roeddynt yn gweithio am flwyddyn heb dâl, ac yn aml iawn nid oedd y llysoedd yn gadael iddynt orffen eu dyletswyddau oni bai eu bod yn dod o hyd i rywun arall i wneud y gwaith. O ddechrau cyfnod Fictoria roedd y sir yn cyflogi Prif Gwnstabliaid i ofalu bod y cwnstabliaid plwyf yn gwneud eu gwaith yn iawn.

Yn 1857 cafodd Heddlu Sir Faesyfed ei sefydlu. Dyma’r heddlu iawn cyntaf. Roedd plismyn yn gweithio ar draws yr ardal ym Mhenybont, Colwyn, Llanbister a’r Bont-newydd-ar-wy. Nid oedd yna ffonau na cheir felly os oeddynt yn mynd i drafferthion roeddynt yn gorfod ymdopi ar eu pennau hunain.

Mae’n darllen:
"This station requires very considerable repairs. The damp penetrates the whole of the walls exposed to the West and I beg to recommend as the only remedy likely to prove effectual that the front and ends of the building be slated."
Roedd yr adroddiad hefyd yn dweud fod y to yn gollwng, fod y ffenestri wedi cracio a bod y grisiau oedd yn mynd i fyny i ystafell y cwnstabl ddim yn ddiogel iawn!

Unwaith eto roedd bywyd yn galed i blismyn oes Fictoria.

Yn ôl i ddewislen trosedd Llandrindod