Roedd
y dynion proffesiynol ar ddechrau
teyrnasiad Fictoria yn gorfod gweithio i ennill bywoliaeth ond roedden
nhw wedi bod yn y brifysgol mae’n debyg ac wedi derbyn addysg. Yma gwelwn
enwau’r penseiri a ddyluniodd yr adeiladau lleol a chyfreithwyr
neu dwrneiod a gafodd hyfforddiant yn y gyfraith. Proffesiwn pwysig arall
oedd yr arwerthwyr a fyddai’n cynnal
marchnadoedd lleol ac yn gwerthu eiddo.
Peidiwch
ag anghofio!
Y cyfenwau sy’n gyntaf
Roedd
gan Wilkins a’i Gwmni, Aberhonddu, gangen o’i fanc yng Nghrughywel. Dyma’r
unig fanc ar y rhestr ar y pryd, felly,
roedd yn amlwg ei fod yn bwysig yn y gymuned leol. 
Yn
nyddiau cynnar Oes Fictoria roedd swyddogaeth y llawfeddyg
yn newid. Hyd yn hyn, llawfeddyg oedd rhywun heb fawr o hyfforddiant ond
a oedd yn gallu tynnu dannedd ac ailosod aelodau’r corff yn eu lle wedi
iddyn nhw dorri. Yn nes ymlaen yn Oes Fictoria, byddai meddygon yn derbyn
llawer mwy o hyfforddiant a byddai’r llawfeddyg yn feddyg wedi ei hyfforddi’n
arbennig ar gyfer gwneud llawdriniaethau. (Byddwn yn cwrdd â Mr Franco yn
yr adran ar y wyrcws.)