Yn
y dyddiau cyn adeiladu rhwydwaith y rheilffordd fawr Fictoraidd, roedd
yn rhaid i bobl deithio o gwmpas mewn coets neu ar gefn ceffyl. Felly,
oherwydd bod y siwrneiai yn cymryd llawer mwy o amser, roedd yn rhaid
i’r teithwyr gael rhywle i aros dros nos. Roedd nifer enfawr o dafarndai
ledled Prydain yn cynnig bwyd a llety i bobl.
Mae
Cyfeiriadur De Cymru Pigot yn rhestru tafarndai ardal Crughywel
yn ystod blynyddoedd cynnar teyrnasiad Fictoria. Roedd yn rhaid i’r tafarndai
a oedd yn cynnig llety i deithwyr y goets fawr (megis y Beaufort Arms)
gyflogi llawer o bobl leol i weithio yn y dafarn. 
Roedd
angen morynion i lanhau’r ystafelloedd ac i ofalu am y gwesteion. Byddai
‘bechgyn glanhau ‘sgidie’ yn glanhau ‘sgidiau’r teithwyr, a gwastrawd yn
edrych ar ôl y ceffylau. Y gogyddes a’i chynorthwywyr fyddai’n brysur yn
y gegin yn coginio ar gyfer y gwesteion. Felly, gallwch weld bod tafarndai’r
ardal yn ffynhonnell bwysig cyflogaeth i bobl leol yn ystod Oes Fictoria.
.