Roedd yr ardal o amgylch Llanfair-ym-Muallt
yn lwcus ddwywaith yn amser Fictoria pan gafodd dwy
reilffordd eu hadeiladu ar draws y tir i gysylltu'r cymunedau
gweddol bellennig oedd ar ffiniau Sir Frycheiniog a Sir Faesyfed gyda'r
trefi a'r dinasoedd pell.
Roedd hyn yn golygu bod y busnesau lleol yn gallu gwerthu'r cynnyrch mewn
marchnadoedd newydd a bod y bobl
leol yn gallu dod o hyd i nwyddau newydd
oedd yn dod i'r siopau o bell. Am y tro cyntaf daeth teithio o'r ardal
yn bosibl i fwy o bobl.
Y rheilffordd gyntaf i ddod i'r ardal oedd y Rheilffordd
Ganol Cymru - Mid Wales Railway. Agorwyd y rhan oedd yn mynd
drwy Llanfair-ym-Muallt ar 23 Awst 1864,
pan ddaeth y trên cyntaf o Aberhonddu drwy Aberllynfi a Llanfair-ym-Muallt,
i fyny Dyffryn Gwy trwy Rhaeadr, ac yna ymlaen i Lanidloes. Enw'r locomotif
sydd yn y llun yw'r Venus, a welir yma yn ystod adeiladu'r
rheilffordd yn Llanfair-ym-Muallt yn 1864. Ymhen hir a hwyr byddai ymestyn
y lein hon yn golygu eich bod yn gallu teithio i Henffordd neu'r Drenewydd
yn hawdd o Llanfair-ym-Muallt ar y trên. 