Mae’r ffotograff hwn o oes Fictoria wedi dod o hen gerdyn post nad yw mewn cyflwr da iawn. Ond mae’n ddiddorol gan ei fod yn dangos yr olygfa sy’n edrych ar hyd yr Afon Honddu i gyfeiriad arall i’r llun a ddangosir ar dudalen arall yn yr adran hon.
Cafodd y llun hwn ei gymeryd o Bont y Castell sy’n edrych tua’r de tuag at fan lle mae’r Honddu yn llifo i mewn i’r Afon Wysg ychydig y tu hwnt i’r bont haearn yn y cefndir.

Mae gweddillion Castell Aberhonddu ymhell uwchben yr afon ar yr ochr hon.

Yr adeilad ger y bont oedd melin Honddu yn Watergate, gydag olwyn fawr yn gyrru’r felin ddwr.

Cafodd Pont haearn Honddu, y gellir ei gweld ychydig y tu hwnt i’r felin ddwr, ei hadeiladu yn 1874 yn lle’r bont garreg a gafodd ei difrodi’n wael iawn mewn llifogydd difrifol y flwyddyn gynt. Cefnau tai a busnesau yn Stryd y Farchnad yw’r adeiladau ar law chwith yr olygfa hon.

Yn ôl i ddewislen lluniau o'r Aberhonddu