Y Castell Coch ger Y Trallwng yw un o’r cartrefi harddaf yng Nghymru. Mae’n sefyll ar fryn ac yn edrych i lawr ar erddi a pharciau hyfryd.
Gelwir ef yn Gastell Powys neu Y Castell Coch yn Gymraeg oherwydd i’r rhan fwyaf ohono gael ei adeiladu o dywodfaen coch yn yr 13eg ganrif.

Ysgythriad yw’r llun hwn wedi’i wneud o dirlun a baentiwyd gan Henry Gastineau, a deithiodd ar hyd a lled Cymru a llawer man arall ym Mhrydain yn ystod yr 1800au cynnar.
Roedd yn paentio lluniau dyfrlliw a lluniau o gestyll, eglwysi ac adeiladau eraill, ond cyhoeddwyd llawer o’r rhain fel ysgythriadau rhwng 1831 ac 1840. Mae’n debygol i’r llun gwreiddiol o’r Castell Coch gael ei baentio ychydig cyn dechrau teyrnasiad y Frenhines Fictoria yn 1837. Bu farw’r arlunydd yn Llundain yn 1876.

Yn ôl i ddewislen lluniau o'r Y Trallwng