Mae’r llun hwn yn dangos Broad Street yn Llanandras fel ag yr oedd yn 1832, rhyw bum mlynedd cyn coroni’r Frenhines Fictoria. Mae’n dod o lithograff gan Joseph Murray Ince, a fu’n byw yn Llanandras am nifer o flynyddoedd.
Gellir gweld yr hen Neuadd Sir, sydd ar agor erbyn hyn fel ‘Llety’r Barnwr’ ar ochr chwith yr olygfa hon.

Math o brint yw lithograff a wneir ar garreg neu blât metel o’r llun gwreiddiol gan yr arlunydd. Bydd llinellau’r llun yn cael eu torri ar yr wyneb gan declyn engrafu ac mae’r cafnau bychain hyn yn dal yr inc pan fydd y ddelwedd yn cael ei phrintio ar bapur.
Mae wyneb y plât printio’n cael ei iro o flaen llaw fel na fydd yr inc printio yn lledaenu y tu hwnt i rannau sydd wedi cael eu hengrafu.

Yn ôl i ddewislen lluniau o'r Llanandras