| |
1.
Mae’r map yn dangos y gweithiau nwy
lle’r oedd nwy glo’n cael ei gynhyrchu trwy boethi’r glo hyd nes ei fod
yn cynhyrchu nwy. Defnyddiwyd hwn ar gyfer goleuo strydoedd, ac ar gyfer
ffyrnau nwy a golau nwy yn y cartrefi. Oherwydd dyfodiad y rheilffyrdd roedd
glo yn rhatach i’w gludo i’r dref. |
|
| |
2.
Mae’r map yn dangos ysgolion
newydd yn y dref yn 1903 (i gyd â’r marc 2 yma). Er bod
yna ysgolion yn y dref yn amser map y degwm, erbyn diwedd Oes Fictoria derbyniai
pob plentyn addysg ac roedd yn rhaid iddynt fynd i’r ysgol. Roedd hyn yn
ddechrau ar gynnig gwell cyfle i blant wedi iddynt adael yr ysgol. |
|
| |
3.
Mae diwydiant wedi tyfu yn Y Drenewydd ers 1845. Mae 3 ffatri
newydd wedi’u nodi yma; ffatrïoedd gwlân y Cambrian a’r Kymric
a’r tanerdy ger yr afon. |
|
| |
4.
Daeth y rheilffordd i’r Drenewydd. Golygai
hyn y gallai cynnyrch lleol gael ei werthu mewn trefi ar hyd a lled Prydain.
Golygai hefyd y gallai nwyddau rhad o’r tu allan gael eu gwerthu’n lleol,
ac o ganlyniad byddai rhai o fusnesau crefftwyr lleol yn gorfod cau. Roedd
dyfodiad y rheilffordd yn ei gwneud yn llawer haws teithio hefyd. |
|
