Mae’r map isod wedi’i seilio ar fap y Degwm yn gynnar yn oes Fictoria. Mae’n rhoi inni ddarlun o’r gymdeithas fel yr oedd yn y cyfnod hwnnw. Cae Comin yw’r enw a roddir ar y cae agored mawr a welir ym mhen ucha’r map ar y dde. Defnyddiwyd system o rannu’r tir hwn mewn lleiniau cul. Roeddynt yn gwneud hyn yn y Canol Oesoedd, a pheth anghyffredin iawn oedd gweld y dull yma’n dal i gael ei ddefnyddio yn y cyfnod hwn. I gael mwy o wybodaeth am hyn ewch i’r tudalennau yn dwyn yr enw Cae Comin.
MAPIAU’R DEGWM
Yng nghyfnod Fictoria roedd yn rhaid i bawb bron dalu degwm i Eglwys Loegr. Ar ddechrau’i theyrnasiad daeth y degwm i fod yn dreth ar eich eiddo. Lluniwyd mapiau i ddangos pa eiddo oedd gan bawb
