| Llowes tua 1840 | ||
|
Mae’r llun isod wedi’i seilio ar fap y degwm o blwyf Llowes. Mae’n dangos yr ardal o gwmpas y pentref ac yn rhoi syniad i ni o’r gymdogaeth yn ystod blynyddoedd cyntaf teyrnasiad Fictoria. |
||
 MAPIAU’R DEGWM Yng nghyfnod Fictoria roedd yn rhaid i bawb bron dalu degwm i Eglwys Loegr. Ar ddechrau’i theyrnasiad daeth y degwm i fod yn dreth ar eich eiddo. Lluniwyd mapiau i ddangos pa eiddo oedd gan bawb |
 |
|
| Y ffordd sy’n rhedeg o’r gwaelod ar y chwith i’r top ar y dde yw’r ffordd sy’n arwain i Loegr ar hyd ochr Sir Faesyfed o Ddyffryn Gwy. Y tir a welwch yma yw’r tir mwy ffrwythlon sydd i’w gael ar waelod y dyffryn. Y ffyrdd bach sy’n mynd i’r top ar ochr chwith y map yw’r ffyrdd sy’n arwain i diroedd uchel y plwyf. | ||
| Mae’r Radnor Arms wedi bod yn dafarn bwysig iawn yn ymyl y ffordd ers amser maith. Yn y dyddiau pan oedd pobl yn dibynnu ar geffylau i deithio, roedd tafarnau yn paratoi bwyd a llety ar gyfer teithwyr. Yn y cyfnod hwn landlord y Radnor Arms oedd Thomas Pritchard, a pherchennog tir mwya’r plwyf oedd Thomas Mynors Baskerville, Clyro Court. Roedd Llowes Court yn perthyn i Walter De Winton, Maesllwch, perchennog tir pwysig arall yn yr ardal, ac roedd ei denant, Evan Williams, yn byw yno. | ||
|
|
Ffotograff
gan caniatad Mr Eric Pugh. |
| Cymharwch â Llowes tua 1900.. | ||
 |
||
At
Yn ystod y cyfnod hwn roedd llawer o fasnachwyr yn byw yn y plwyf, yn
cynnwys: 3 crydd, 3 saer maen, 6 llifiwr coed, 7 saer olwynion, teiliwr,
melinydd, ysgolfeistr a holltwr coed.