Mae’r hen ffotograff hwn yn dangos adeiladau yn y Stryd Fawr Isaf, Aberhonddu, tua 1890.
Roedd y Neuadd Feddygol - siop fferyllydd - yn cael ei rhedeg gan Mr Charles ar adeg y llun hwn. Roedd y strwythur haearn bwrw mawr ar ganol y Stryd Fawr yn dal tair lantern nwy a phistyll (fountain) yfed. Symudwyd hwn yn 1934 oherwydd ei fod yn rhwystr gyda’r twf mewn traffig.

Ganed yr actores enwog Sarah Siddons yn 1755 yn yr adeilad i’r chwith o’r Neuadd Feddygol. Ar un adeg, enw’r adeilad oedd Tafarn y ‘Shoulder of Mutton’. Yn ddiweddarach, fe’i gelwid yn ‘Siddons Wine and Spirit Vaults’ ac erbyn hyn, ei enw yw Tafarn ‘Sarah Siddons’.
Roedd Sarah Siddons yn actores flaenllaw yn y wlad pan yr oedd yn perfformio rhannau dramatig yn Theatr Drury Lane yn Llundain. Mae llun ohoni wedi’i baentio gan un o arlunwyr mwyaf dawnus y cyfnod, gan gynnwys y llun gan Thomas Gainsborough a ddangosir yma. Bu farw yn 1831, rhyw chwe blynedd cyn i Fictoria ddod yn Frenhines.

Yn ôl i ddewislen lluniau o'r Aberhonddu