Ym mherfeddion Cymru
Mae’r dref hynafol, Llanidloes yn Sir Drefaldwyn bron iawn
yng nghanol Cymru. Tref o darddiad canoloesol ydyw a dyma’r
dref gyntaf ar lannau’r Afon Hafren.
Ar un adeg, roedd yr ardal o amgylch Llanidloes yn bwysig iawn ar gyfer cloddio plwm a hyd yn oed, arian. Roedd diwydiant gwlanen llewyrchus yn y dref. Yn ogystal, roedd y dref yn enwog fel ffocws anfodlonrwydd diwydiannol yn ystod gwrthryfel y Siartwyr yn y bedwaredd ganrif ar bymtheg sef ymgyrch am hawliau democratig a ysbardunwyd gan gwymp y diwydiant tectstiliau lleol.
Saif y neuadd dref ffrâm bren hynafol
ar groesffordd pedair stryd y dref ganoloesol wreiddiol. Wedi
ei hadeiladu oddeutu 1600, dyma’r unig adeilad o’i
fath sydd wedi goroesi yng Nghymru. Cynhaliwyd brawdlysoedd yn
y Neuadd oddeutu 1605 a bu John Wesley yn pregethu o’r pulpud
carreg ar y llawr gwaelod agored yn 1748.
