Tynnwyd y llun hwn tua 1885, ac mae’n dangos cyffordd High Town a’r Pafin yng nghanol yr hen ran o’r dref. Roedd y strydoedd culion yn llawn iawn – mae’n siwr ei bod yn ddiwrnod marchnad.

Defnyddiwyd y llun hwn yn wreiddiol i’w daflu ar wal neu sgrîn gan 'Hudlusern' neu ‘Magic Lantern’, sef taflunydd ffilmiau cynnar. Roedd arddangosfa o luniau fel hyn yn achlysur arbennig iawn yn oes Fictoria.

Fe welwch o’r llun diweddar ar y dde fod yr olygfa yn yr hen lun yn dal i edrych yn ddigon tebyg heddiw. Ond, mae’r poster sy’n hysbysebu peiriannau gwnïo am dair punt, saith swllt a chwe cheiniog wedi hen ddiflannu !

Yn ôl i ddewislen ffotograffau Y Gelli